TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri Edi Rama, gjatë një takimi elektoral me banorët e Dibrës, njoftoi se segmenti i Rrugës së Arbrit, Maqellarë-Peshkopi, është përfunduar. Rama, i cili është gjithashtu kryetar i Partisë Socialiste, u shpreh i kënaqur për realizimin e këtij projekti të rëndësishëm për rajonin.
Ai theksoi se tani banorët e Dibrës kanë një lidhje direkte me Tiranën dhe se çdo rrugë që ka qenë pjesë e projektit të Rrugës së Arbrit, përfshirë Tunelin e Murrizit, është bërë realitet. "Dibra tani është një lagje e Tiranës," tha ai, duke theksuar se ky është një hap përpara për zhvillimin e rajonit.
Rama u shpreh se ishte një përpjekje e vazhdueshme për të realizuar këtë projekt dhe për të siguruar që Dibrën të mos e lënë pas, duke theksuar se edhe segmenti Maqellarë-Peshkopi është përfunduar tashmë, duke i dhënë qytetarëve të Dibrës mundësinë për të udhëtuar më shpejt dhe më lehtë.
"Përfundimisht nuk vij më në Dibër për të thënë do bëjmë Rrugën e Arbrit, Tunelin e Murrizit, rrugën Maqellarë-Peshkopi. Tani e keni deri në Tiranë plumb pushke dhe jeni lagje e Tiranës," theksoi ai.
Në fjalën e tij, Rama i bëri nderime edhe zv.kryeministres dhe ministres së Infrastrukturës dhe Energjisë, Belinda Balluku, për kontributin e saj në realizimin e këtij projekti.
"Pa dikë që e ka ngritur peshë këtë projekt, që ka qëndruar ditë e natë duke mbikëqyrur punimet, nuk do të mund të realizonim gjithçka në kohë dhe me cilësi," përfundoi Rama.
