TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryeministri Edi Rama ka komentuar sot situatat absurde që, sipas tij, ndodhin në disa lagje urbane, ku individë përdorin hapësirat e përbashkëta të pallateve si prona private për qëllime bujqësore apo blegtorale.
Rama tha se janë shtuar rastet ku persona pretendojnë se “toka rreth pallatit është e tyre” dhe i përdorin ato hapësira për të rritur kafshë apo për veprimtari të tjera private.
Për pallatet e reja, tha Rama, situata është më e qartë dhe e rregulluar me ligj, ku hapësirat e jashtme konsiderohen si pronë kolektive e banorëve dhe nuk mund të përvetësohen apo shfrytëzohen nga individë të veçantë.
“Unë jetoj në kat të parë, kam tokën time e rrethoj tokën e pallatit dhe rris pula, dele, lopë…këto janë realitete. Mjelin lopë në kat të parë, është e imja thotë. Jo nuk është e jotja. Pavarësisht se mund të kesh një certifikate prone, ti nuk mund të mbash lopën atje, sepse është një sipërfaqe e përbashkët. Deri ne momentin kur bashkia të thotë që do bëjmë një fermë këtu.
Këtu flasim për ata që kanë marrë prona në mënyrën më të paimagjinueshme, por i kanë marrë. I bëjnë karshillëk komunitetit duke i parë nga lart sikur jetojnë mbi kopsht zoologjik. Për pallatet e reja as që bëhet fjalë fare. Ata që hyjnë në atë pallat e kanë të përbashkët atë hapësirë”, tha Rama, teksa u prezantua paketa e masave ligjore për mbrojtjen e pronës dhe territorit.
