TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryetari i Partisë Demokratike, Sali Berisha paralajmëroi se protesta e 28 shkurtit do të vijë me forma të reja organizimi, por edhe veprimi. I pyetur nga gazetarët, kryedemokrati deklaroi se “asgjë nuk përjashtohet”.
Sipas tij, opozita do të kalojë në forma të ndryshme protestash, ndërsa u pyetur se mes këtyre formave do të jetë edhe bllokimi i rrugëve, Berisha u përgjigj se “të gjitha format janë në konsideratë dhe kjo është vetëm protestë”.
“Ne tani kalojmë në forma të ndryshme protestash, i diversifikojmë, kemi kreativitet. Do eksplorohen forma të reja,” deklaroi ai.
Deklaratat e kreut të PD-së u bënë në një komunikim me gazetarët pas takimit me misionin faktmbledhës të PPE-ve.
Berisha gjatë prononcimit për mediat
Berisha: Protesta e 28 shkurtit do jetë ndryshe, asgjë nuk përjashtohet
Osman Stafa: U dakordësua për llojin e protestës, me datën 28 shkurt?
Sali Berisha: Po dakordësohemi. Ndryshe do jetë. Ne tani kalojmë në forma të ndryshme protestash, i diversifikojmë, kemi kreativitet. Do eksplorohen forma të reja.
Një nga format? Bllokimi i rrugëve?
Sali Berisha: Të gjitha format janë në konsideratë dhe kjo është vetëm protestë. Ne kemi vetëm protestë. Asgjë nuk përjashtohet. Të jemi realistë. Opsionet janë të gjitha.
