TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryetari i Partisë Demokratike, Sali Berisha ka hedhur akuza ndaj kryeministrit Edi Rama lidhur me votimin e Reformës Administrativo-Territoriale. Në një deklaratë për mediat para Parlamentit, Berisha tha se Rama po ushtron presion ndaj deputetëve socialistë për të siguruar votat për miratimin e reformës.
“Edi Rama po ushtron terror nga deputeteve të grupit parlamentar të PS, ka bllokuar sallën e parlamentit dhe po i kap me libër shtëpia deputetet e tij nga frika se nuk do ta votojnë reformën. Ky është një akt i turpshëm. Deputetet duhet të ndihen të ndërgjegjshëm. Ai ka bllokuar sallën e parlamentit dhe po bërtet si i çmendur deputeteve të vet”, tha Sali Berisha.
Po ashtu, Berisha përsëriti edhe njëherë se nga PD nuk do të ketë asnjë rrjedhje votash, ndërsa u shpreh se Rama për të siguruar votat do të marrë edhe Lubi Ballukun.
Ai tha se opozita do te beje cdo përpjekje qe kjo reforme te mos votohet.
“Ne do bëjmë çdo përpjekje që kjo reformë të mos kalojë. Madje thonë se do sjellë edhe Lubi Ballukunb në Parlament”, tha kreu i PD.
Kreu demokrat tha se në Tirane kanë mbërritur qytetarë nga e gjithë Shqipëria dhe se protesta do të përfaqësojë banorë nga të gjitha bashkitë.
“Protesta është e qytetarëve, kanë ardhur nga e gjithë Shqipëria. Janë protestuesit e të gjitha bashkive. Pa simbole partiake. Do të jetë një protestë e njerëzve që shohin se po shkelmohen interesat e tyre në mënyrë kriminale”, u shpreh Berisha.
