TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Sekretari i Përgjithshëm i Partisë Socialiste, Damian Gjiknuri ka zbardhur detaje nga takimi që pati sot kryeministri Edi Rama me Audrey Glover, shefen e Misionit të Vëzhguesve të OSBE/ODIHR për zgjedhjet e 14 majit. Takimi në fjalë u mbajt në selinë e PS.
Përmes një postimi në rrjete sociale, Gjiknuri nënvizon se mbarëvajtja e procesit zgjedhor që u realizua edhe njëherë sipas standardeve më të mira dhe reflektimi i rekomandimeve të OSBE/ODIHR, ishin temat qendrore të diskutimit. “Selia e Partisë Socialiste ku bashkë me Kryeministrin, Edi Rama dhe Ministren e Shtetit për Marrëdhëniet me Parlamentin, Elisa Spiropali zhvilluam një takim me shefen e Misionit të Vëzhguesve të OSBE/ODIHR për zgjedhjet e 14 Majit, Audrey Glover.
Mbarëvajtja e procesit zgjedhor që u realizua edhe njëherë sipas standardeve më të mira dhe reflektimi i rekomandimeve të OSBE/ODIHR, ku vijon puna në Komisionin e Posaçëm për Reformën Zgjedhore, ishin temat qendrore të diskutimit”, deklaroi Gjiknuri.
