TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryetari i grupit parlamentar të Partisë Socialiste, Taulant Balla ripërsëriti dhe një herë deklaratën e tij për ndalimin e përdorimit të Tik-Tokut në pajisjet qeveritare. Nga Kuvendi ai tha se projektligji për mediat audiovizive ka për synim krijimin e një mekanizmi vetërregullimi dhe edukimi mediatik nga të gjithë ofruesit e platformave të shpërndarjes së videove për të mbrojtur grupimet me vulnerabël të shoqërisë.
“Ndryshimet në ligjin për mediat janë të mirëpritura të kaluara e diskutuara në të gjitha komisionet. Por ajo që për mua vlen e duhet ndarë në këtë diskutim është domosdoshmëria e kësaj nisme në lidhje me fëmijët, të cilët jetojnë në botë virtuale të rrezikshme dhe shumë më kohë se sa pak vite më parë”.
Mes të tjerash ai shtoi se; “Sipas disa raporteve të fundit ndërkombëtare fëmijët e moshës 8-18 vjeç kalojnë 9 orë në ditë në rrjetet sociale pas shkollës dhe për këtë qëllim duhet të bëjmë gjithçka që fëmijët tanë të mbrohen nga përmbajtjet, që mund të dëmtojnë zhvillimin fizik, mendor apo moral të tyre”.
Kreu i grupit parlamentar të PS-së u shpreh se, “nuk i heq asnjë pikë, asnjë presje një diskutimi që duhet bërë sot më shumë se kurrë lidhur me Tik-Tok. Unë e mbështes qasjen e SHBA përkundrejt këtij rrjeti social mbi ato dyshime që janë ngritur nga Kongresi, Senati, administrata aktuale dhe pararendëse republikane në SHBA se, ne duhet të mbrojmë të gjitha pajisjet në pronësi të qeverisë, parlamentit dhe institucioneve të tjera shtetërore. Pas SHBA-së, Britania e Madhe, institucionet e Bashkimit Europian, Këshilli dhe Komisioni, Franca, Holanda, Norvegjia, Belgjika, Danimarka dhe dje apo pardje Australia kanë shprehur shqetësime për keqpërdorimet e të dhënave personale të qytetarëve nga ky rrjet social, mendoj se jemi në kohën e duhur”.
