TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Finalizohet një tjetër fazë e operacionit policor të koduar “Catch”, ndërsa janë arrestuar tre të rinj në Tiranë.
NJOFTIMI
Shërbimet e Komisariatit të Policisë Nr. 6, në bashkëpunim me specialistët e Seksionit për Hetimin e Narkotikëve të DVP Tiranë, kapën dhe ndaluan shtetasin e shpallur në kërkim, J. Ç., 27 vjeç. Gjykata e Tiranës e ka dënuar këtë shtetas, me 3 vjet e 4 muaj burgim, për veprat penale “Prodhimi dhe shitja e narkotikëve” dhe “Largimi i të burgosurit nga vendi i qëndrimit”.
Shërbimet e Komisariatit të Policisë Nr. 4, në bashkëpunim me specialistët e qarkullimit rrugor, kapën dhe ndaluan shtetasin e shpallur në kërkim O. B., 30 vjeç. Atij i kanë mbetur për të vuajtur 1 vit e 10 muaj burgim, nga dënimi për veprën penale “Shkelja e rregullave të qarkullimit rrugor”.
Shërbimet e Policisë Rrugore ndaluan shtetasin e shpallur në kërkim G. B., 43 vjeç, pasi Gjykata e Tiranës e ka dënuar me 4 muaj burgim, për veprën penale “Drejtimi i automjeteve në mënyrë të parregullt”.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
