TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një 48-vjeçare është proceduar penalisht, pasi akuzohet se mashtroi një emigrant shqiptar në Greqi me pretendimin se do e pajiste me letra duke i marrë para.
Bëhet fjalë për shtetasen me inicialet M. Th.
NJOFTIMI I POLICISË
Menjëherë pas transmetimit në emisionin “Fiks Fare”, të rastit të shtetasit shqiptar A. L. (emigrant në Greqi), i cili i kishte dhënë një shumë të konsiderueshme parash, shtetases M. Th., 48 vjeçe, duke u mashtruar nga kjo e fundit, se do ta pajiste me dokumente greke, specialistët për Hetimin e Krimeve Ekonomike dhe Financiare të DVP Vlorë, në bashkëpunim me Prokurorinë e Vlorës, kanë kryer veprimet e nevojshme procedurale për nxjerrjen përpara përgjegjësisë penale, të 48-vjeçares.
Në përfundim të këtyre veprimeve, u procedua penalisht, për veprën penale “Mashtrimi”, shtetasja M. Th.
Në bashkëpunim me Prokurorinë, vijon puna për të dokumentuar raste të tjera mashtrimi, në të cilat dyshohet se është përfshirë kjo shtetase.
Policia e Shtetit falënderon stafin e emisionit “Fiks Fare”, për denoncimin e rastit, si dhe fton median dhe qytetarët që vijojnë të denoncojnë te strukturat e Policisë, çdo rast paligjshmërie që hasin. Policia e Shtetit garanton reagim të shpejtë, të paanshëm dhe konfrom ligjit.
