TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ka nisur me tensione sesioni i shtatë i legjislaturës së dhjetë të Kuvendit. Deputetët e PD kanë grisur letrën e Presidentit Begaj. Kryeparlamentarja Elisa Spiropali ishte e para që ka mbajtur fjalën dhe është shprehur se vendi është mes të barabartëve me njëri-tjetrin, por kaq të ndryshëm
Më tej Spiropali është shprehur në fjalën e saj se në ballafaqimin e ardhshëm elektoral, secili nga ne do të shkojë me bilancet e veta politike.
Teksa i është drejtuar me një thirrje edhe deputetëve ku u shpreh se duhet t’i mbrojmë deri në fund pikëpamjet dhe qëndrimet tona, por me etikë parlamentare, duke respektuar institucionin e Kuvendit të Shqipërisë dhe qytetarët që na kanë votuar e na ndjekin, tha ajo.
“Reflektimi duhet të jetë i përbashkët mes nesh, një reflektim që përfshin edhe qortimin e së shkuarës, edhe projeksionet për të ardhmen. Thirrjen time te sinqertë, t’t mbrojmë deri në fund qëndrimet tona, por me etikë parlamentare. Shpesh jemi sjellë si shkak dhe pasojë të njëri-tjetrit. Mungesa juaj e kontrollit ka sjellë shkeljen e tolerancës sonë. Debati dhe jo beteja, ndeshja e paprerë si të ndryshëm në ide, por të barabartë në të drejta, është rruga e vetme drejt të cilës ne do të detyrohemi të ecim.
Jo pa keqardhje mendoj se më pak se çdo gjë ka ndryshuar mendësia e të bërit politikë, e cila shpesh, në thelbin e saj ka mbetur ende në llogoret e viteve 90-të. Të jemi bashkë në identifikimin e disa prioriteteve që do të duhet të realizojmë deri në fund të kësaj legjislature” tha ajo. Spiropali ftoi më tej opozitën të marrë pjesë në komisionet parlamentare.
“Do të vijojnë punën dy komisionet e posaçme, qëllimi i të cilëve është avancimi i reformave, në mënyrë që të mos ketë asnjë kthim mbrapa. Mbështetja dhe fuqizimi i institucioneve të pavarura dhe i pavarësisë së degëve të qeverisjes, që ato të rrisin përgjegjshmërinë dhe transparencën para vendit dhe qytetarëve. Pozitive të bashkëpunojmë për komisionet hetimore, sepse bashkarisht duhet të zbulojmë gabimet e punës së institucioneve dhe të nxjerrim përgjegjësitë. Të provojmë se jemi ligjvënës të denjë, bashkëndërtues të institucioneve dhe bashkëmbrojtës të vlerave demokratike”, shtoi ajo.
