TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kritiku i burgosur i Kremlinit, Alexei Navalny, iu ka bërë thirrje rusëve që të organizojnë protesta masive kundër pushtimit të Ukrainës nga Rusia.
Thirrja për protesta është bërë nga zëdhënësja e Navalnyt, mëngjesin e sotëm, teksa lufta ka hyrë në ditën e shtatë.
“Alexei Navalny ka bërë thirrje që njerëzit të dalin e të protestojnë kundër luftës, çdo ditë, në orën 19:00, dhe në fundjavë në orën 14:00. Në sheshet kryesore të qyteteve tuaja, kudo që të jeni”, shkroi zëdhënësja e Navalnyt, Kira Yarmysh.
Lëvizja e kritikut të ashpër të Vladimir Putinit vjen pas thirrjeve të tij të mëparshme për mosbindje civile kundër pushtimit rus të fqinjit të saj.
Navalny, kundërshtari më i madh u Presidentit Putin, u burgos vitin e kaluar, pasi u kthye në Rusi nga Gjermania, pas shërimit të tij, ku laboratorët perëndimore konstatuan se rusët kishin tentuar ta helmonin me një agjent nervor në Siberi.
Rusia, nga ana e saj, mohoi kryerjen e një sulmi të tillë.
