TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Gjykata e Posaçme Kundër Korrupsionit dhe Krimit të Organizuar ka lënë në burg ish ministrin e Mjedisit Lefter Koka.
Pas 90 minutash seancë, trupa gjykuese u tërhoq dhe mori vendim për ish-ministrin Koka duke e vlerësuar si të ligjshëm caktimin e “arrestit me burg”, masë e kërkuar nga SPAK.
Lefter Koka mbërriti të enjten rreth orës 11:05 në GJKKO për t’u njohur me masën e sigurisë, dy ditë pas arrestimit.
Mësohet se Lefter Koka ka shprehur para gjykatës sot se “kam zbatuar ligjin” dhe ka mbajtur qëndrim mohues për akuzat e ngritura ndaj tij.
Akuzat e ngritura nga SPAK për personat nën hetim janë: “Shpërdorimi i detyrës”, “Korrupsioni aktiv i funksionarëve të lartë shtetërorë ose i të zgjedhurve vendorë”, “Korrupsioni pasiv i funksionarëve të lartë shtetërorë ose i të zgjedhurve vendorë” dhe “Pastrimi i produkteve të veprës penale apo i veprimtarisë kriminale”.
Prokuroria e Posaçme thotë se ka provuar që procedura e dhënies se koncesionit dhe lidhja e kontratës për inceneratorin e Elbasanit ka qenë në shkelje të ligjit si dhe në kundërshtim me sugjerimet e Ministrisë së Financave dhe Agjencisë së Prokurimit Publik.
