TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pavarësisht akuzave dhe kërkesave për ndalimin e pjesëmarrjes së tij në garën e 14 majit, kandidati i Partisë Socialiste për bashkinë e Mallakastrës, Qerim Ismailaj do të marrë pjesë në zgjedhjet lokale. Mësohet se Kolegji Zgjedhor ka rrëzuar sot kërkesën e Partisë Demokratike, duke lënë përfundimisht të hapur rrugën për Ismailajn.
Demokratët kërkuan që Ismailaj duhet të çregjistrohej pasi ishte dënuar me 6 muaj burg për falsifikim dokumentesh dhe duhet ta kapte rrjeta e dekriminalizimit. Nga ana tjetër socialistët pohuan se ky dënim ishte konvertuar në orë pune publike dhe kandidati i saj nuk përplasej me ligjin.
Ismailaj u dënua me kërkesë të SPAK, pasi akuzohet se kishte fshehur një dënim në Greqi për rrahje, gjatë kohës që kishte qenë emigrant në këtë shtet. Ai u dënua në muajin shkurt nga GJKKO me 6 muaj burg, dënim që iu konvertua me 40 orë pune për interes publik, me akuzën për “Falsifikimi i vulave, i stampave ose i formularëve”.
