TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Me debate është shoqëruar mbledhja e sotme e Komisionit Qendror të Zgjedhjeve sa i takon numëruesve të partive për zgjedhjet e 14 majit.
Teksa është vendosur që dy do t’i takojnë Partisë Socialiste dhe 1 Partisë Demokratike zyrtare, sherri ka ‘plasur’ për numëruesin e katërt, që do të hidhet nesër me short.
Mosmarrëveshjet nisën, pasi Partia e Lirisë u shpreh se PBDNJ nuk është opozitë dhe PL duhet të ketë një numërues në çdo tavolinë numërimi, sepse është i vetmi që garanton votën e koalicionit “Bashkë Fitojmë”.
Në fund kreu i KQZ, Ilirjan Celibashi vendosi që numëruesi I 4-t do të ndahet me short mes PDIU-së dhe PL-së, ku përcaktimi do të bëhet nesër në orën 12:00.
DEBATI
Përfaqësuesi i PDIU-së: Ne jemi në opozitë, kemi votuar pro qeverisë për marrëveshjet me amerikanët.
Altin Kaziaj nga koalicioni ‘Bashkië Fitojmë’: Vetëm ne jemi në garë në gjithë Shqipërinë, PDIU jo. Votat e kujt do të mbrojnë numëruesit e saj?
Përfaqësuesi i PDIU: Do mbrojmë votat e Lajla Përnaskës.
Celibashi: Ky merak i juaji nuk është fort i justifikuar. Numëruesit kanë qenë përgjithësisht korrekt. Ne kemi rinumëruar dhe nuk ka pasur abuzime madhore.
