TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një shtetas francez me iniciale C.F. është gjetur pa shenja jete mbrëmjen e sotme në një bujtinë në fshatin Gjerbës në Skrapar. Policia deklaroi se ai është zbuluar i pajetë nga pronari i bujtinës, i cili ka njoftuar policinë. Në trupin e viktimës nuk ka shenja dhune.
"Rreth orës 19:30, shtetasi M.L. njofton se në bujtinën e tij në fshatin Gjerbës, Skrapar, ka gjetur pa shenja jete shtetasin francez C.F, 49 vjeç, i cili kishte disa ditë që ishte akomoduar në këtë bujtinë.
Nga këqyrja paraprake në trupin e viktimës nuk janë konstatuar shenja dhune. Grupi hetimor po punon për zbardhjen e shkakut të humbjes së jetës së 49-vjeçarit"-njoftoi policia.
