TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Prokuroria e Posaçme SPAK nuk është dakord me vendimin e Gjykatës që e liroi nga qelia ish-deputetin e PS, Alqi Bllako, të enjten e 6 tetorit.
SPAK është shprehur për Euronews Albania se nuk ekzistojnë kushtet për ta liruar.
Prokuroria Speciale tha se do ta ankimojë vendimin e sotëm në Gjykatën e Posaçme të Apelit.
Gjatë seancës sot, SPAK kërkoi rrëzimin e kërkesës së bërë prej Bllakos si të pabazuar në ligj dhe në prova.
GJKKO e pranoi kërkesën e Bllakos për zëvendësimin e masës së sigurisë, nga “arrest me burg” në “arrest shtëpie”.
Alqi Bllako akuzohet nga prokuroria se ka falsifikuar dokumentin për llojin e tokës ku do të ndërtohej inceneratori i Fierit.
Ata ia kanë paraqitur qeverisë sikur ndërtesa e inceneratorit do të bëhej në tokë truall.
SPAK ka provuar se ajo është ndërtuar në tokë arë, vlera e së cilës është më e lirë. Ky falsifikim i ka sjellë buxhetit të shtetit një dëm prej rreth 140 mijë eurosh.
