TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
GJKKO ka rrëzuar kërkesën e Etleva Kondit, ish-anëtare e Komisionit për dhënien e inceneratorëve, për heqjen e masës “arrest shtëpie”.
Ajo kishte kërkuar zëvendësimin e masës së sigurisë, por u rrëzua nga togat e zeza.
Sipas, GJKKO kërkesa e Etleva Kondit është e pabazuar në ligj dhe prova.
“U vendos rrëzimi i kërkesës së kërkueses Etleva Kondi, me nr. 593 regj., datë 21.10.2024, me objekt zëvëndësimin e masës së sigurimit “arrest në shtëpi”, si një kërkesë e pabazuar në ligj dhe prova”, thuhet në njoftim.
Gjykata e Posaçme e Shkallës së Parë për Korrupsionin dhe Krimin e Organizuar
Etleva Kondi akuzohet për “Shpërdorim detyre”, kryer në bashkëpunim lidhur me aferën e inceneratorëve.
Ish-anëtarja e Komisionit për dhënien e inceneratorëve ndodhej në Itali kur u lëshua masa e sigurisë ndaj saj dhe u arrestua më 9 prill 2022 në Rinas, kur u kthye në Shqipëri.
Asaj i është komunikuar masa e vendosur nga Gjykata sapo ka zbritur në Rinas dhe është dërguar në Drejtorinë e Policisë së Tiranës, për vijimin e procedurave.
Më pas Etleva Kondi është shoqëruar nga policia për në banesën e saj.
