AKTUALITET, 12 Gusht 2022, 10:45

“Digjet” Shqipëria, raportohen 25 vatra zjarri në vetëm 24 orë, tre prej tyre mbeten ende aktive

“Digjet” Shqipëria, raportohen 25 vatra zjarri në

Drejtori i Gatishmërisë dhe Përgjegjës ndaj Emergjencave në AKMC, Robert Hysenllari ka publikuar të dhënat e Ministrisë së Mbrojtjes për situatën e zjarreve në vend gjatë 24 orëve të fundit.

Sipas të dhënave rezulton se janë raportuar 25 vatra zjarri, nga të cilat janë shuar deri më tani vatrat në:

në fshatin Sojnik, bashkia Gramsh;

në vendin e quajtur Pajalli, dhe fshatin Dragot, bashkia Belsh;

në fshatin Topojan, bashkia Cërrik;

në fshatin Niçë, bashkia Pogradec;

në lagjen Kala, bashkia Berat;

në fshatin Dorëz, bashkia Tepelenë;

në fshatin Dedaj, bashkia Pukë;

në fshatin Aliaj, bashkia Malësi e Madhe;

në vendin e quajtur Krrab, bashkia Fushë Arrëz;

në fshatin Vukatanë, bashkia Shkodër;

në fshatin Vrion, bashkia Finiq;

në fshatin Tragjas, bashkia Vlorë;

në fshatrat Gjerbës dhe Selitë, bashkia Mallakastër;

në fshatrat Agonas dhe Rrakull, bashkia Kavajë;

në fshatin Kodër Babrru, bashkia Kamëz;

në fshatin Gurrë e Madhe, bashkia Klos;

në fshatin Mazhicë, bashkia Bulqizë;

në zonën e ish Kënetës, bashkia Durrës;

në fshatin Kalasë, bashkia Delvinë.
Në operacion për shuarjen e vatrave gjatë 24 orëve të fundit janë angazhuar 331 forca Operacionale, të Shërbimit të Mbrojtjes nga Zjarri dhe Shpëtimi, Forca të Armatosura, forca bashkiake, forca policore, punonjës të Administratës së Zonave të Mbrojtura, shërbimi pyjor, forca vullnetare dhe janë angazhuar 36 mjete zjarrfikëse.

Aktualisht janë aktive vatrat në:

1.Në fshatin Shetaj, bashkia Durrës, kjo vatër është riaktivizuar sërish ditën e djeshme, vijon angazhimi i forcave të shërbimit zjarrfikës për izolimin e saj.

3.Në fshatin Tunjë, bashkia Gramsh, intesiteti i të cilit ka rënë ditën e sotme, janë angazhuar ditën e sotme forcat e shërbimit zjarrfikës.

Ju bëjmë thirrje qytetarëve të denoncojnë pranë strukturave të policisë   së   shtetit   çdo   rast   të   dyshuar   për   zjarrvënie   të qëllimshme si dhe të tregojnë kujdes në përdorimin e mjeteve ndezëse dhe çdo aktivitet tjetër në lidhje me zjarret.

Kujtojmë se zjarrvënia e qëllimshme dënohet sipas ligjit.

Të gjitha forcat dhe kapacitetet e sistemit të Mbrojtjes Civile janë në gatishmëri të plotë për përgjigjen ndaj situatave të shkaktuara nga zjarri apo dhe çdo emergjence tjetër.