TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Nëna e Daniel Qoses, një prej punonjësve që akuzohet se ndihmuan Gerald Shehun të largonte trupin e Eraldo Nevruzit pasi e vrau, ka treguar detaje nga ngjarja. Ajo tha se i kishte telefonuar disa herë të birit, por ai nuk ishte përgjigjur.
“Dëgjova nga TV në mëngjes që ishte bërë një vrasje, nuk e dija që kishte ndodhur në lokalin ku punonte djali, i rashë telefonit dhe nuk më përgjigjej, e shikoja në linjë i rashë sërish, por ma mbylli. Mora vajzën në Gjermani dhe e pyeta si e ka emrin lokali ku punon djali? Më duket se Greccia më tha. Pyesim një shok në Dhërmi, ai më tha mos ki merak se do të shkoj unë.
Gjetëm numrin më pas, i thamë interesohemi për një djalë që është ai staf. Na thanë, “janë arrestuar, po i marrin në pyetje, por nuk mund t’ju japim sqarim”. Në orën 10:00, pashë në lajme foton e djalit. Djali ka ikur që në 6 prill, ka 5 vite që punon aty, tek i njëjti pronar dhe nuk ka patur probleme më herët. Siç thonë edhe në lajme, ai i ka kërcënuar dhe i kanë dhënë qese kuzhine, e kanë ndihmuar në makinë se i ka kërcënuar me armë”, tha ajo.
