TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Seanca gjyqësore ndaj Arbër Paplekajt, që ishte parashikuar të mbahej ditën e sotme, është shtyrë sërish.
Paplekaj akuzohet për vrasjen e Pjerin Xhuvanit, një ngjarje e ndodhur më 21 prill të vitit 2021, vetëm 4 ditë përpara zgjedhjeve të 25 prillit.
Shkak i shtyrjes së seancës, është bërë pasi trupi gjykues vlerësoi të nevojshme të marrë kohën e mjaftueshme sipas ligjit për të shqyrtuar kërkesat paraprake të paraqitura nga avokatët e të pandehurve si edhe t’i jepet kohë për t’u njohur me shpjegimet e prokurorëve të kësaj çështje.
Gjithashtu u kërkua ndarje e çështjes së Paplekajt nga ajo e policëve. Mes të tjerash u kërkua edhe pavlefshmëri e disa akteve të hetimit.
Kujtojmë se vrasja e Pjerin Xhuvanit tronditi opinionin publik, pasi ishte një vrasje që dyshohet se kishte prapavijë politike.
Gjatë asaj periudhe përflitej për një grup për mbrojtjen e votës, ku dyshohet se ishte i përfshirë Paplekaj. Kjo vrasje do të çonte më pas në përplasje të ashpra mes maxhorancës dhe opozitës që akuzonin njëra-tjetrën si të përfshira në këtë ngjarje.
