TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Në emisionin "Të Paekspozuarit" në MCN TV, është diskutuar ngjarja e rëndë e Fierit, ku një tetë vjeçar u vra nga fqinji i tij.
Një nga temat e diskutimit, ishte raportimi i mediave, i cili u konsideruar mjaft problamtik nga të ftuarit.
Pjesë nga biseda në studio:
Aleksandër Çipa: Në realitetin e marrëdhënies së medias, dy aspekte janë të munguara, ndjesa publike dhe përgënjeshtrimi, apo saktësimi. Do të doja të kërkoj edhe një lloj ndjese për atë lëndim që raportimi i bën opinionit publik.
Mediumet tona, për shkak të raportimit, harrojnë dhe injorojnë atë që mblidhet me efektin, atë që profesor Tushi thotë, a mbajmë ne përgjegjësi për shëndetin psiqik të publikut?
Në Suedi nëse ndodh një ngjarje e tillë dhe editori e kalon masën, ka reagime nga mekanizmat vetërregulluese dhe institucionet të tjera, komisioneri për të drejtat publike.
Një pjesë e reporterëve nuk kanë përvojë të gjatë.
Erion Kristo: Është terrorizëm mediatik. Matet me numra njerëzisht. Unë kam vite që them për këtë. Nuk kemi të drejtën të dhunojmë psiqikën e qytetarit, pikë. Edhe AMA ka reaguar.
Gëzim Tushi:Përveç pjesës së informimit, nuk them se gazetarët duhet të bëhen sociologë dhe psikologë, por gazetaria është një sociologji e sipërfaqshme. E para, për ontologjinë e transmetimit duhet shumë kujdes. Ajo që them se ilaçi që duam të japim nëpërmjet medias, është më e keqe sasa sëmundja që ka kapur shoqërinë. Jepen detaje, mori thikën e nguli majtas, pastaj djathtas. I hidhet benzinë zjarrit.
Lutfi Dervishi: Në vitin 1996 u bë përpjekja e parë për të patur kodin etik të gazetarëve. Kodet etike nuk janë ndalesa, por janë udhëzime. Në rastet e aksidenteve dhe fatkeqësive, duhet të kesh parasysh ndjeshmërinë e familjarëve që janë në zi, ta vendosësh veten në këpucët e tjetrit. Edhe në rastin konkret, familjarët e kanë marrë vesh nga familjarët e tyre në Itali, që e morën vesh nga media. Nuk mund të bëhet publike dicka pa e marrë vesh familjarët.Pastaj publikimi i detajeve që nuk kanë asnjë lidhje.
