TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një lajm tragjik ka goditur sot futbollin italian, duke qenë se përgatitësi atletik i Krotones, Serxho Maskeroni ka ndërruar jetë tragjikisht pas një aksidenti me makinë mëngjesin e sotëm. Ngjarja ka ndodhur në Komo, aty ku trajneri nuk ka arritur t’i mbijetojë plagëve të marra nga aksidenti.
Lajmi u bë i ditur nga vetë faqja e klubit italian në rrjete sociale, ndërkohë që edhe vetë presidenti i Krotones ka folur në lidhje me këtë aksident. Ai e ka konsideruar të pabesueshme atë çka ka ndodhur, duke shtuar se dhimbja është e madhe për klubin dhe familjen.
“Nuk mund ta besoj këtë që ka ndodhur. Nuk kam fjalë pasi ndjej shumë dhimbje dhe trishtim. Në një situatë të tillë, e gjithë mbështetja jonë shkon për familjen e Serxhos”, u shpreh presidenti i Krotones, Xhani Vrena.
