TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Mësohet se kryeministri Edi Rama, ka nisur një fushatë presioni ndaj Saimir Tahirit, që ky i fundit të dorëhiqet dhe të largohet vullnetarisht nga grupi Parlamentar i Partisë Socialiste. Madje, Rama ka kërcënuar se do të dalë përpara mediave, për tu distancuar nga ish ministri i brendshëm. Megjithatë, deri në këto momente nuk ka asnjë indicie që Tahiri të ketë pranuar kërkesën e Ramës për dorëheqje.
Ish ministri i brendshëm do të flasë sot në një emision televiziv, jo vetëm për të bërë mbrojtjen e nevojshme përpara opozitës dhe opinionit publik, por edhe për t’ju përgjigjur presionit të Ramës.
Kujtojmë se kryeministri Rama, u distancua menjëherë nga Tahiri nëpërmjet një statusi në facebook, ku shkruante se e vlerësonte Tahirin për integritetin e tij, por kërkonte që drejtësia të zbardhë sa më parë të vërtetën.
Rama e intensifikoi presionin ndaj Tahirit edhe publikisht, me një status të dytë ku thoshte se edhe në mesin e Rilindjes ka “drurë të shtrembër “, duke “larë duart” përfundimisht me ish ministrin e brendshëm dhe duke e shpallur atë si delen e zezë të Rilindjes së tij.
TPZ.AL
