TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ish-presidentja e Koresë së Jugut, Park Geun-hye është dënuar me 24 vite burgim, pasi u shpall fajtore për “abuzim me pushtetin” dhe “detyrim me forcë”.
Vendimi u shpall gjatë një transmetimi të drejtpërdrejtë dhe është kulmi i skandalit që tronditi vendin dhe që shkaktoi një zemërim të tejskajshëm kundër elitave politike e të biznesit.
Park, e cila u gjobit edhe me rreth 17 milionë dollarë u përball me një sërë akuzash për korrupsion.
Ish-udhëheqësja nuk ishte e pranishme në gjykatë gjatë dhënies së vendimit të kësaj të premteje, teksa kishte bojkotuar edhe seancat dëgjimore, duke akuzuar gjykatat se ishin të njëanshme në çështjen e ngritur kundër saj. Ajo ka mohuar çdo akuzë të bërë ndaj saj.
Lëvizja e fundit e autoriteteve gjyqësore në Kore, për lejimin e dhënies së vendimit përmes transmetimit të drejtpërdrejtë, ishte e paprecedentë, por në këtë rast ato u justifikuan me interesin e jashtëzakonshëm publik mbi këtë çështje.
Përse dënohet:
Park u shpall fajtore për 16 nga 18 akuza, shumica e të cilave kanë të bëjnë me ryshfetin dhe detyrimin me forcë.
Park u gjet fajtore për bashkëpunim me një mikeshën e saj të afërt, Choi Soon-sil, duke iu ushtruar presion firmave të mëdha të biznesit për ryshfete në këmbim të favoreve politike.
Ajo gjithashtu u dënua se kishte detyruar kompanitë të nënshkruajnë marrëveshje fitimprurëse me firmat në pronësi të Choi dhe për t’i dhuruar as dhe vajzës së saj dhurata.
Përveç kësaj, Park u shpall fajtore për rrjedhjen e dokumenteve konfidenciale presidenciale tek mikesha e saj Choi.
