Jo vetëm revolucion në stafin e trajnerëve, por edhe në atë teknik. Në Njukasëll kanë nisur të mendojnë emrat e skuadrës së ardhshme të “Qymyrxhinjve” pas shitjes së klubit tek investitorët sauditë.
Dhe pas nisjes së bisedimeve me Paulo Fonsekën për të zëvendësuar trajnerin e shkarkuar, Stiv Brus, bardhezinjtë po punojnë për të ndërtuar dhe ekipin pas teknikut.
Sipas holandezes “De Telegraaf”, klubi ka kontaktuar me legjendën e Arsenalit, Mark Overmars, për t’i ofruar rolin e drejtorit sportiv. Aktualisht, holandezi është drejtor teknik tek Ajaksi dhe ka një kontratë deri në vitin 2024 me ta. 48-vjeçari është tentuar më parë edhe nga klube të tjera si Arsenali dhe Junajtidit.
