TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Situatë alarmante raportohet në zonën e Gurrës, mes fshatit Daias dhe Priskës së Madhe, në rrethinat e Tiranës, ku një kodër është përfshirë nga flakë të mëdha.
Zjarri po përhapet në një sipërfaqe të konsiderueshme, ndërsa në pjesën e poshtme të kodrës ndodhen banesa dhe biznese, duke rritur rrezikun për zonën e banuar.
Flakët janë afruar pranë Lundrës dhe po i afrohen banesave, si dhe bazës së helikopterëve në Farkë, ndërsa zjarri vijon të jetë jashtë kontrollit.
Ndërhyrja nga toka po vështirësohet ndjeshëm për shkak të terrenit të thyer. Relievi e bën të pamundur afrimin e automjeteve zjarrfikëse në zonën ku zjarri vijon të përhapet.
Flakët, të favorizuara nga era, janë përhapur me shpejtësi, ndërsa një re e dendur tymi ka mbuluar zonën.
Situata mbetet dinamike, ndërsa strukturat e emergjencës vijojnë përpjekjet për të vënë nën kontroll flakët dhe për të shmangur afrimin e tyre drejt banesave dhe objekteve të tjera.
