TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Deklaratat e presidentit ukrainas Volodymyr Zelensky për Kosovën kanë shkaktuar reagime të forta edhe në Tiranë.
Gjatë vizitës së tij në Serbi, Zelensky konfirmoi se qëndrimi i Ukrainës për pavarësinë e Kosovës nuk ka ndryshuar dhe se Kievi nuk e njeh pavarësinë e saj.
Në shenjë proteste ndaj këtij qëndrimi, një grup qytetarësh që po protestonin sot në Tiranë marshuan drejt ambasadës së Ukrainës.
Përpara ambasadës, protestuesit shprehën sërish revoltën e tyre ndaj presidentit ukrainas, ndërsa u dëgjuan edhe thirrje të drejtpërdrejta kundër tij.
“Zelensky, Zelensky, fuck you!”, brohoritën protestuesit.
Reagimi vjen në një moment kur qëndrimi i Ukrainës ndaj Kosovës ka shkaktuar debate të forta në rajon, veçanërisht pas takimit të Zelenskyt me presidentin serb Aleksandar Vuçiç në Beograd.
Pas vizitës, në Prishtinë u hoq edhe një flamur i madh ukrainas nga një godinë, në shenjë pakënaqësie ndaj qëndrimit të Kievit.
Protestuesit në Tiranë e kanë shndërruar çështjen e Kosovës në një tjetër pikë të protestës së tyre, duke kundërshtuar publikisht qëndrimin e presidentit ukrainas.
