TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Problemet me linjat urbane në kryeqytet vijojnë prej kohësh ndërkohë që nuk është marrë asnjë masë për përmirësimin e kësaj gjendje.
Por ditën e sotme përmes një njoftimi zyrtar në rrjetet sociale, Policia e Shtetit ka deklaruar se ka nisur zbatimi i një plan vendimi që do të monitorojë dhe evidentojë të gjitha linjat e të transportit publik në Tiranë, në raport me detyrimet, por edhe shkeljet e tjera që pengojnë dhe vonojnë subjektet e transportit përgjatë itinerarit të tyre.
Si dhe ka shtuar se plotë 36 mjete janë ndëshkuar për mospozicionim në hapësirat e stacionit të rezervuar për ta.
Postimi i Plotë
Duke konsideruar vështirësitë e lëvizjes së mjeteve të transportit publik qytetas, veçanërisht autobuzat artikularë, por edhe rrezikshmërinë që u kanoset pasagjerëve dhe përdoruesve të rrugës në tërësi nga shkeljet e këtyre të fundit, rrugorët e kryeqytetit kanë nisur zbatimin e nje plani veprimi, për monitorimin dhe evidentimin e të gjitha linjave të transportit publik qytetas, në raport me detyrimet, por edhe shkeljet e tjera që pengojnë dhe vonojnë subjektet e transportit përgjatë itinerarit të tyre.
Në funksion të këtij plani veprimi, janë dokumentuar dhe ndëshkuar 36 mjete të transportit publik qytetas, për mospozicionim në hapësirat e stacionit të rezervuar për ta, si dhe 87 automjete të tjera, të cilat janë evidentuar të pushuar në stacionet e autobuzave duke u bërë pengesë dhe njëkohësisht rrezik për përdoruesit e tjerë të rrugës.
