TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ka përfunduar në barazim 2-2 ndeshjes mes Atalantës dhe Juventusit, e vlefshme për javën e 18-të të Serisë A. Ndeshja nisi keq për bergamaskët, teksa mbrojtësi Berat Gjimshiti shkaktoi një autogol pas dy minutash lojë.
Më pas erdhi reagimi i Atalantës, që shënoi dy herë në portën e Juventusit me anë të Duvan Zapatës. Situata u komplikua për kryesuesit e kampionatit, pasi Bentakur mori kartonin e dytë të verdhë në minutën e 53-të. Në këto kushte, trajneri Alegri vendosi të hidhte në fushë Kristiano Ronaldon, të cilin e kishte mbajtur në stol.
[video width="1280" height="720" mp4="https://cdnimpuls.com/tpz.al/wp-content/uploads/2018/12/ron.mp4"][/video]
Dhe 12 minuta para fundit të ndeshjes, ylli portugez mposhti Etrit Berishën, duke shënuar nga afër në zhvillimet e një goditje këndi. Juventusi mban vendin e parë me 50 pikë, ndërsa Atalanta ndodhet në vend të 7-të, pranë zonës së Europa League, me 25 pikë.
Lacio e Tomas Strakoshës ndërkohë ka fituar në fushën e Bolonjës 0-2. Portieri kuqezi e ruajti të paprekur portën në këtë transfertë, që e mban Lacio në zonën Champions, me 31 pikë. Golat u shënuan nga Luiz Felipe dhe Luliç. Trajneri Simone Inzagi mundi vëllanë e tij në stolin e Bolonjës, Pipo Inzagin.
Në ndeshjet e tjera bie në sy humbja e Fiorentinës në fushën e saj, ku u mund 0-1 nga Parma.
