AKTUALITET, 24 Qershor 2021, 13:13

Vetëm tre pacientë të shtruar me koronavirus në spitalin Infektiv

Vetëm tre pacientë të shtruar me koronavirus në spitalin

Vetëm tre persona janë të shtruar në spitalin Infektiv në Tiranë, të prekur nga Covid-19.

87 persona janë të infektuar me koronavirusin e ri në total.

Sipas News 24, në spitalin e vetëm Covid, pas të paktën një jave ka patur vetëm një shtrim më shumë se nga dita e djeshme. Janë tre persona të infektuar me Covid-19, njëri ka mbërritur gjatë ditës së djeshme me ngarkesë pulmonare.

Në raportimin e 24 orëve të fundit, Ministria e Shëndetësisë raportoi se në 24 orët e fundit, u shënua vetëm një rast i ri me Covid-19 në 1960 testime të kryera, ndërsa fatmirësisht nuk u shënuan humbje jete.