TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Kryebashkiaku Erion Veliaj, tashmë që ka marrë nën dorëzim Teatrin Kombëtar për ta shembur, ka rikthyer retorikën e ashpër dhe akuzat ndaj opozitës dhe gjithëkujt që kërkon që godina e Teatrit të mos shembet.
Në një intervsitë për "Syri TV", Veliaj tha se Teatri Kombëtar do të shembet dhe se do të ndërtohet një teatër i ri me kredi.
Veliaj sulmoi ashpër kreun e opozitës, duke e quajtur atë një gjobvënës, që u strehua tek kompleksi i një biznesmeni të cilit, sipas Veliajt, i ka vënë gjobë.
“Opozita është gjobvënëse, ndyrshe nuk do të banonte kryetari i opozitës tek ai që i vuri gjobë”, tha Veliaj.
Kryebashkiaku i referohet faktit se Lulzim Basha është shpërngulur në kompleksin e ndërtuar nga biznemeni Papuli, të cilin Partia Demokratike e ka akuzuar si oligark të lidhur me Edi Ramën.
Veliaj tha gjithashtu se opozita do të dështojë me Teatrin, "siç bëri tek Astiri". Në fakt, kryebashkiku e ka përmendur shumë herë Astirin, një histori e errët e cila u shenjua nga tentativa për të përvetësuar 30 milionë euro nga kompania fantazmë, DH Albania, aferë për të cilën ende askush nuk është përballur me drejtësinë.
Çuditërisht, opozita nuk i përgjigjet Veliajt, kur ky i fundit përmend Astirin dhe rindërtimin e Unazës së Madhe.
/TPZ.al/
