TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Banorët e “Astirit” vijojnë protestat e tyre kundër shembjes së banesave dhe bizneseve të cilat preken nga projekti i “Unazës së Madhe”, ndërsa tashmë kanë kaluar më shumë se tre muaj në rrugë.
Banorët kërkojnë tashmë jo vetëm dëmshpërblim në vlerë 100%, por edhe anullim të plotë të projektit, pasi, sipas tyre, ai është korruptiv.
Ata paralajmëruan Kryeministrin Edi Rama se, nëse ai dhe autoritetet do të tentojnë të prekin pronën e tyre, do të përballen me rezistencë të fortë, ndërsa i kanë kërkuar Ramës të tërheqë projektin ose do të përballet me ta.
Më tej, ata i bënë thirrje opozitës që të marrë frenat në dorë dhe të organizojë qytetarët kundër kësaj qeverie. Po ashtu, ata i bënë thirrje policisë që të mos guxojë që t'u afrohet shtëpive të tyre, pasi do t’i mbojnë me gjak.
Në përkrahje të tyre kanë shkuar edhe deputetët e opozitës, të cilët vijojnë t’i bëjnë thirrje kryeministrit të tërhiqet nga projekti.
