SPORT, 2 Gusht 2021, 22:01

U fut të ndante sherrin, shuhet në moshën 35-vjeçare ish-sulmuesi i Ajax

U fut të ndante sherrin, shuhet në moshën 35-vjeçare

Ndahet nga jeta në moshën 35-vjeçare Jerge Hoefdraad, ish-sulmuesi i Ajax në futbollin holandez. Pak ditë më parë festoi përvjetorin, ndërsa sot ka ndërruar jetë pas një plumbi që mori në kokë. De Telegraaf shkruan se ngjarje e rëndë ndodhi në një lokal të Amsterdamit. Një sherr shpërtheu, ish-sulmuesi u fut për të ndarë, por një person që nuk është identifikuar ende e qëlloi në kokë. Edhe pse u dërgua menjëherë në spital, 35-vjeçari me origjinë nga Surinami nuk ia doli t’i mbijetojë plagëve. Jerge është një prodhim i Ajax, teksa ka luajtur edhe me RKC, Almere City, Telstar dhe Cambuur