TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Mediat italiane kanë bërë me dije detaje të tjera në lidhje me vrasjen e 39-vjeçares shqiptare Meleqe Lusha nga djali i saj 21-vjeçar Eduart Xhani. Ngjarja e rëndë u shënua dy ditë më parë në shtëpinë e tyre në Chiari të Brescias.
I riu, pasi e goditi disa herë me thikë të ëmën, u largua me makinë por pas disa orësh u dorëzua vetë në polici duke rrëfyer krimin e rëndë.
Autoritetet dyshojnë se problemet e shëndetit mendor mund të kenë qenë shkaku i veprimeve të të riut, megjithëse ai aktualisht nuk po merr asnjë trajtim, sipas asaj që raportojnë mediat fqinje. Pritet të bëhet një vlerësim psikiatrik për të kuptuar nëse i riu ka probleme.
Sipas hetuesve, 21-vjeçari nuk ka qenë në gjendje të shpjegonte arsyen e vrasjes dhe se ai nuk kishte asnjë pakënaqësi ndaj së ëmës.
Dëshmitë e fqinjëve
“Ai ka qenë gjithmonë një djalë i mirë”, tha një banor i lagjes Via Silvio Pellico, ku 21-vjeçari jetonte me nënën e tij dhe ku jeton ende një nga xhaxhallarët e tij.
“Shpesh e shihja të ecte drejt stacionit për të shkuar në punë”, thotë një tjetër ish-fqinj, i cili shton se nuk ka parë kurrë problematika apo shqetësime të tij.
Ndërkohë, të tjerë e përshkruajnë gruan fatkeqe si të sjellshme.
“Ajo ishte një grua shumë e ëmbël dhe e sjellshme, njësoj si djali i saj. Jemi pa fjalë.”, tha një grua.
“Ata janë njerëz të mirë. Nuk e di se si ndodhi kjo”, u shpreh pronari i një dyqani në qendër të qytetit, duke shtuar se do të organizojë një mbledhje fondesh për familjen Lusha.
