TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Parcelat me kanabis në qarkun Gjirokastër nuk kanë të sosur. Sot është zbuluar një tjetër parcelë me 204 rrënjë në fshatin Krahës të Tepelenës, në vendin e quajtur “Rripa e Madhe”, në një zonë të pyllëzuar. Policia thotë se po punon për identifikimin dhe kapjen e autorëve. Katër ditë më parë në fshatin Maricaj të Memaliajt, u zbuluan 130 rrënjë.
Ndërkohë që policia e Gjirokastrës ka mbajtur të fshehtë për mediat zbulimin e 6 parcelave me mbi 2 mijë rrënjë kanabis në fshatin Skore të Dropullit. Për këtë ngjarje u arrestuan dy persona, por asnjë informacion nuk u komunikua zyrtarisht. Më herët në javët e shkuara është raportuar për të tjera parcela me kanabis kryesisht në zonën e Tepelenës. Ndonëse në rang vendi sipërfaqja e kultivuar është ulur shumë krahasuar me dy vjet më parë, ende ka zona të mbjella me bimën narkotike.
