TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Policia ka arrestuar një të ri në Rrogozhinë, pasi ka tentuar që të fuste në burg hashash dhe heroinë.
Policia bën me dije se 29-vjeçari me inicialet E.B, i ka dërguar rroba të vëllait që vuante dënimin në burgun e Rrogozhinës.
Mes rrobave ai kishte fshehur edhe doza hashashi dhe heroine, por janë zbuluar nga punonjësit e burgut. 26 gr hashash dhe 31 doza heroinë janë gjetur nga punonjësit e burgut.
Njoftimi i policisë:
Tenton të fusë lëndë narkotike në IEVP, arrestohet në flagrancë 29-vjeçari
Sekuestrohen 26 gramë canabis sativa dhe 31 doza heroinë.
Shërbimet e policisë së burgut të IEVP Rrogozhinë, gjatë kontrollit të sendeve që një shtetas kishte sjellë për të vëllanë, i cili vuante dënimin pranë ambjenteve të IEVP Rrogozhinë, kanë konstatuar që në rrobat e tij , mbante të fshehur lëndë narkotike.
Është njoftuar menjëherë grupi hetimor dhe specialistët për Narkotikët të cilët në përfundim të hetimeve kanë bërë arrestimin në flagrancë të shtetasit:
E. B.,29 vjeç banues në Durrës.
Materialet do ti kalojnë për hetime të mëtejshme Prokurorisë Pranë Gjykatës Shkallës së Parë Kavajë për veprën penale “Prodhimi dhe shitje të narkotikeve”
