TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ish Ministri i Drejtësisë, Ylli Manjani, ka reaguar, pasi kryebashkiaku Veliaj e quajti Teatrin Kombëtar "një stallë kuajsh dhe një godinë fashiste". Manjani e ka quajtur këtë një mashtrim. Ai ka postuar gjithashtu fotografi të vjetra të Teatrit Kombëtar.
Statusi i plotë:
Kryetari i Bashkisë Tiranë, mirë që rren gjithë ditë për punët e veta të sotme, por qenka shfaqur sot si rrencak i historisë së qytetit.
Ka thënë se “Teatri Kombëtar është stallë kuajsh dhe godinë fashiste”...
Pa dyshim që rren, si zakonisht!
Për nder të heroit kombëtar, Skënderbeut, shteti Shqiptar në vitin 1937 bleu tokën privatëve dhe filloi ndërtimin e “Qendrës Kulturore Skenderbej”.
Pra në vitin 1937, kur Shqipëria ishte Mbretëri Kushtetuese dhe jo fashizëm, siç thotë Kryetari i Bashkisë!
81 vite më pas në 2018, bash në vitin e Skënderbeut, pushteti i Rilindjes me në ballë Edvinin dhe në bythë Erionin ja fal tokën privatit, por jo pronarit që ja bleu!
Skënderbeun vijojnë ta degjenerojnë!
Pushtimi fashist nuk ja ndryshoi destinacionin. Ajo godinë nuk ka qenë kurrë dopo lavoro, siç thotë Kryetari i Bashkisë. Por ka shërbyer si qendër kulture.
Pushtuesi e ruajti me fanatizëm arkitekturën e qendrës së qytetit, që këta po e prishin me pushtllëk e korrupsion!
Enver Hoxha e bëri kinema pas luftës, dhe e pagëzoi me emrin Kosova. E pra Enveri ishte me Anti-Fashist sesa Erioni sot, por nuk e prishi godinën.
Në vijim u shndërrua në godinë të Teatrit Kombëtar. Aty është luajtuar art për vite me radhë dhe është bërë histori artistike, megjithë shurrën e kuajve imagjinare që i bën Erioni dhe Edvini!
Ndërkohë është me vend të përsëris se: Kryetari i Bashkisë Tiranë, nuk ka asnjë lidhje kushtetuese dhe ligjore me ndërtimin ose jo të Teatrit Kombëtar.
Ministria e Kulturës është enti përgjegjës me ligj për atë godinë.
Kjo do të thotë se çdo veprim që kryetari i Bashkisë bën është anti-kushtetues, anti-ligjor dhe është i dënueshëm! Herët a vonë, por është i dënueshëm!
Këtë vath duhet ta varë në të dy veshët!
Ja ku janë pamjet që në fillim të ndërtimit të kompleksit Teatror. Fashistët vetëm i vunë emrin Teatri Savoia.
Siç e shihni nuk kishte askund as kuaj e as vend për ta!
Ai kompleks u projektua dhe u ndërtua për art dhe kulturë.
Ja ku janë pamjet, që ti plasin sytë gomerët e Rilindjes! Asnjë lloj kafshe tjetër nuk ka qenë prezente në atë kompleks, as në ide, as në projekt e as në përdorim!
Ju duhet toka sot për ta vjedhur, ky është avaz tjetër. Por historia tregon se aty është luajtur art dhe është emetuar kulturë!
Dhe kush është më e bukura: këto pamje janë risjellë në vemendjen e publikut nga vetë Rilindasit e sotëm, kur erdhi Papa. Specialistët tanë dhe ata Italianë i nxorën këto foto për qëllim restaurimi.
Tani duan ta fshijnë.....
Turp e faqja e zezë, për cilindo që në kampin e Rilindjes i ka mbetë sadopak fytyrë!
