TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pesë lojtarë të Partizanit iu bashkuan përfaqësueseve shqiptare dhe kosovare gjatë grumbullimit të fundit. Ranë në sy Preka dhe Buxhelaj, që u aktivizuan 90 minuta në fitoren e Shqipërisë U-21 kundër Zvicrës U-21 në transfertë me shifrat 1-2. Sakaq, edhe Redon Ismaili u aktivizua në minutën e 77-të në fitoren e Kosovës U-21 kundër moshatarëve izraelitë.
Gjërat nuk shkuan siç pritej te Kombëtarja e madhe, me Hadrojn dhe Zekën, që nuk u aktivizuan asnjë minutë. Madje Zeka në të dyja sfidat u la në tribunë.
“Panorama Sport” mëson nga kampi kuqezi se trajneri Silvinjo ka folur me Zekën para gjithë ekipit, duke i shprehur njëlloj keqardhje apo ndjese për faktin se ishte i vetmi lojtar që iu desh ta linte në tribunë.
Sjellja e Zekës ka qenë tejet korrekte. 25-vjeçari shënoi një gol të bukur në miqësoren me U-21, por më pas trajneri bëri të tjera zgjedhje.
