TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Armando Broja ndoshta po kalon në këto ditë një periudhë dhe duhet të marrë një vendim që mund të ndikojë karrierën e tij futbollistike, Nga njëra anë është dëshira për të luajtur rregullisht, ndërsa nga tjera është mundësia për të mbetur pjesë e një klubi si Çelsi, për të luajtur kartat e tij në ato pak minuta që do t’i jepen si fillim atje.
Futbollisti ka udhëtuar drejt Anglisë pas dëmtimit që pësoi në fazën përgatitore në SHBA, për t’u riaftësuar dhe për të diskutuar me klubet që kërkojnë shërbimet e tij dhe janë të gatshëm të paguajnë më shumë se 30 milionë paund në arkat e Çelsit. Por nuk është e thënë që londinezët ta lejojnë të largohet dhe pas konferencës ku vetë Tuhel deklaroi se nuk prsite që ai të ikte, vijnë edhe konfirmime nga një personazh shumë i njohur i merkatos në botë, gazetari Fabricio Romano.
Ky i fundit ka bërë një përditësim të situatës së Brojës me një postim në rrjetet sociale, duke konfirmuar se bisedimet vazhdojnë, por tashmë është Tuhel që bëhet pengesë për largimin e tij nga Çelsi.
Chelsea and West Ham are still in direct negotiation for Armando Broja deal. Chelsea now fighting to keep Armando, Tuchel is big fan - wants him to stay. ???????????? #CFC
— Fabrizio Romano (@FabrizioRomano) July 20, 2022
West Ham are still pushing. Been told no way for a loan, only permanent move is being discussed. pic.twitter.com/XrJ4hHN3R0
“Çelsi dhe Uest Hem janë ende në negociata direkte për marrëveshjen rreth Armando Brojës. Çelsi tani po lufton për të mbajtur Armandon, Tuhel është një fans i madh i tij, dëshiron që ai të qëndrojë.
Uest Ham është ende duke shtyrë për transferimin. U është thënë se nuk ekziston mundësia për një huazim, po diskutohet tashmë vetëm transferim i plotë”, shkruante gazetari i njohur.
Me sa duket, Çelsi kërkon në këto ditë të bindë Brojën që të qëndrojë e përdorë çdo minutë që i jepet në dispozicion për të treguar se është një lojtar që mund të luajë në formacionin titullar. Përndryshe, do t’i jepet përfundimisht lamtumira nga klubi londinezë, siç është edhe vetë dëshira e lojtarit i cili nuk pranon huazime të tjera.
