TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Pas një periudhe të vështirë me dëmtime dhe mungesës në Kampionatin Europian në shtëpi, Serzh Gnabri po feston rikthimin në përfaqësuesen e Gjermanisë dhe po i vë vetes synime të larta.
Ai jo vetëm që dëshiron të kthehet në njëmbëdhjetëshen fillestare në afat të shkurtër, por gjithashtu të fitojë një titull me ekipin kombëtar në afat të gjatë. Gnabri rikthehet me shumë entuziazëm te “Pancerat”, pasi kaloi një fazë të vështirë me lëndime dhe mungoi në Kampionatin Europian.
SULMUESI – “Titulli është qëllimi që qëndron mbi gjithçka. Shpresoj që karriera ime te Gjermania të shtojë një trofe. Atëherë do të isha i lumtur”, shpjegoi 29-vjeçari dhe bëri të qartë se shpreson për një të ardhme të suksesshme në kombëtare. Me 22 gola në 45 ndeshje ndërkombëtare, Serzh është një nga forcat më të rëndësishme sulmuese në skuadrën aktuale. Sytë e tij janë gjithashtu në Kupën e Botës 2026 dhe Kampionatin Europian 2028, në të cilin ai dëshiron të luajë një rol qendror.
“Unë jam i ri. Kam një vetëbesim të shëndetshëm dhe shpresoj të luaj”, tha ai në stërvitje pas rikthimit. Gnabri është përfshirë në pesë gola gjatë nëntë paraqitje për Bajernin këtë sezon. Sipas informacioneve të “Sky”, sulmuesi gjithëpërfshirës do të jetë menjëherë në njëmbëdhjetëshen startuese të premten në ndeshjen e Ligës së Kombeve kundër Bosnjë-Hercegovinës.
