TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Përplasje të dhunshme mes tifozëve të organizuar të Bayern Munich dhe Stuttgart kanë ndodhur jashtë stadiumit “Allianz Arena” në Mynih, vetëm pak orë para ndeshjes mes dy skuadrave.
Sipas raportimeve, rreth dy orë para fillimit të ndeshjes, grupe tifozësh u përplasën pranë zonës së takimit afër stadiumit. Thuhet se tifozë të Stuttgart sulmuan fillimisht anëtarë të grupimeve të Bayern-it, duke shkaktuar reagim të menjëhershëm dhe përshkallëzim të situatës.
Incidentes en la previa del Bayern – Stuttgart.
Un grupo de Ultras del Stuttgart atacó a varios aficionados del Bayern en la previa del encuentro que se jugará en menos de una hora.
No sé reportaron heridos por el momento.pic.twitter.com/kP8JovMMkK
— José I. Araoz (@Gazpachen) April 19, 2026
Tensioni u rrit shpejt, me qindra tifozë të Bayern-it që u përfshinë në përleshje, disa prej tyre me fytyra të mbuluara. Brenda pak minutash situata doli jashtë kontrollit.
Në vendngjarje ndërhynë forca të shumta policore, me mbi 100 efektivë që u përpoqën të ndanin palët. Gjatë përplasjes u plagosën dy policë, ndërsa rreth 100 persona u arrestuan. Sipas autoriteteve, disa nga të ndaluarit kishin udhëtuar drejt Mynihut posaçërisht për të marrë pjesë në incidentet e dhunshme.
Grupi i organizuar i tifozëve të Stuttgartit “Commando Cannstatt 1997” njoftoi më pas se, për shkak të ndërhyrjes së madhe policore, nuk do të ishte e mundur prania e tyre e organizuar në stadium.
Policia e Mynihut konfirmoi përplasjet, duke bërë të ditur se situata është vënë nën kontroll dhe hetimet ndaj rreth 100 personave po vazhdojnë në bashkëpunim me prokurorinë.
