SPORT, 23 Maj 2023, 14:55

Man. City synon katër transferimeve të mëdha gjatë verës, pavarësisht se mund t’i fitojë të gjithë trofetë këtë sezon

Man. City synon katër transferimeve të mëdha gjatë

Kampioni i Premier Ligës, Manchester City mund të jetë afër fitimit të tre trofeve mahnitës këtë sezon, por kjo nuk do të thotë se planet e transferimit po ndalen, pasi ata duan të përforcohen edhe më shumë.

City tashmë e ka të siguruar titullin e Ligës Premier – trofeu i pestë vendor në gjashtë vjet, të gjitha nën Guardiolën – dhe tani po përgatitet për finalet e FA Cup dhe Ligës së Kampionëve, kundër Manchester United dhe Interit respektivisht.

Por, sipas The Mirror, City po bëhet gati për disa objektiva të mëdha të verës me Alexis Mac Allister, Julio Enciso, Joshua Kimmich dhe Josko Gvardiol të gjithë në radarin e tyre.

Mesfushori i Brighton, Mac Allister, duket se ka shumë të ngjarë të jetë në lëvizje këtë verë, me United dhe Liverpool gjithashtu të interesuar për fituesin e Kupës së Botës me Argjentinën.

Lojtari tjetër i Brighton, Enciso ka shpërthyer në skenë në gjysmën e dytë të këtij sezoni të Ligës Premier dhe me vetëm 19 vjet, sulmuesi paraguaian duket se ka potencial të madh.

Ylli i Bayern Munichut, Kimmich, është një ish-nxënës i Guardiolës dhe mund të ofrojë shkathtësi shtesë në mbrojtje dhe mesfushë të Cityt, nëse ai bën lëvizjen nga Mynihu.

Ndërkohë, Gvardiol, i cili thuajse iu bashkua Chelseat nga RB Leipzig në janar – është një qendërmbrojtës shumë i kërkuar me këmbën e majtë, i cili gjithashtu mund të futet pa probleme në skuadrën e Cityt.

Asnjë nga lojtarët nuk do të jetë i lirë. Por, është një lajm i keq për rivalët e Cityt, të cilët mund të kenë menduar se klubi Etihad mund të qëndrojë pa shpenzuar pas një suksesi kaq të paprecedentë në vitet e fundit. /tg/