TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një nga notat negative të mbrëmjes në “O Dragao” për Barcelonën ka qenë dëmtimi i pësuar nga Levandovski. Sulmuesi polak është detyruar të lërë fushën e lojës pas rreth gjysmë ore lojë për shkak të një ndërhyrjeje të ashpër të njërit nga mbrojtësit e Portos.
Për momentin klubi nuk ka dhënë shpjegime të hollësishme rreth dëmtimit të polakut, por ai është parë me probleme në kavilje. Analizat më të hollësishme pritet të nxjerrin shkallën e dëmtimit, por në Barcelonë nuk duken pesimistë për gjendjen e sulmuesit.
Ndërkaq, 35-vjeçari gjatë një interviste për “Sport Bild” ka folur sërish për të ardhmen e tij, duke përjashtuar një transferim të shpejtë në Arabinë Saudite.
“Unë nuk mendoj gjë tjetër veç Barcelonës në këto momente. Dua të shfrytëzoj çdo moment në fushë, sepse e di se nuk do të luaj përjetë futboll. Arabia le të presë, tani jam i fokusuar te Barcelona, jam shumë i lumtur këtu dhe nuk kam përse të ndryshoj ambient”, tha ndër të tjera polaku.
