TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Ndoshta është shpejtë për ta krahasuar me Michael Phelps, por sidoqoftë legjenda amerikane e notit është i paralajmëruar, pasi tani ka një rival të denjë, që mund t’i thyejë rekordet. Ai është Leon Marchand, me notarin francez 22-vjeçar që ka vendosur emrin në historinë e këtij sporti, duke arritur diçka, që askush më parë nuk i ishte afruar.
Marchand triumfoi në finalen e 200 metrave në stil bretkosë, duke fituar medaljen e tretë të artë, teksa më parë kishte fituar edhe në 200 metra flutur, duke u bërë notari i parë në histori që triumfon në këto dy stile radhazi, por olimpiada spektakolare e notarit francez nuk mbyllet këtu.
Në garën e parë të tij në “Paris 2024”, ai mori medaljen e artë edhe në 400 metra stil i lirë dhe të gjitha këto triumfekanë drejtuar prozhektorët nga 22 vjeçari, i cili ka nisur të krahasohet me Michael Phelsps. Legjenda amerikane mban rekordin e medaljeve të arta olimpike, 28 në total bashkë me ato ekipore. Për momentin Marchand duket larg, por sigurisht është në rrugën e duhur.
