TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Interi ka mundur në transfertë Kremonezen me rezultatin 2-1 në ndeshjen e vlefshme për javën e 20-të të Seria A.
Sfida u zhbllokua shumë shpejt nga vendasit me një perlë nga Okereke në minutën e 11’. Por në minutën e 21’ Lautaro Martinez iu kundërpërgjigj duke vendosur baraspeshën. Gjatë pjesës së parë Interi pati disa mundësi të mira por nuk arritën të finalizojnë dhe 45 minutat e para u mbyllën në barazimin 1-1.
Në pjesën e dytë, konkretisht në minutën e 65’ ishte sërish Lautaro Martinez ai që shënoi gol, duke i dhënë dhe fitoren ekipit të tij.
Pas këtij triumfi Interi ngjitet në vendin e 2-të me 40 pikë ndërsa Kremoneze mbetet po në vendin e fundit me 8 pikë.
