TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Karriera e Aristidi Kolajt do të vazhdojë në radhët e klubit të Renate në Serinë C italiane. Konfirmimi ka ardhur nga drejtori sportiv i këtij klubi, Oskar Magoni.
Ish futbollisti i Shpresave të Shqipërisë, ishte në huazim te kjo skuadër në Serinë C në edicionin e kaluar dhe duket se palët kanë gjetur akordin që ai të vazhdojë të japë kontributin e tij edhe në këtë edicion.
“Kolaj është një rikthim, ishte me ne edhe në vitin e kaluar dhe jemi të lumtur që e kemi përsëri. Ka fantazi dhe personalitet, dy cilësi që na nevojiteshin për të shtuar krijimtari përpara”, theksoi drejtuesi i Renates për futbollistin shqiptar.
Kolaj shpërtheu në akademinë e Sasuolos në moshë të re dhe ishte një lojtar fiks në radhët e Shpresave. Por më pas disa dëmtime dhe eksperienca jo shumë të suksesshme me klubet e Serisë C frenuan disi karrierën e tij në këto vite, me sulmuesin 26-vjeçar që po mundohet përsëri të gjejë një rol prej protagonisti në futbollin italian.
