FOTO/ Raketa ruse shkaktoi një gropë pesë metra të thellë në fushë, futbollisti ukrainas i Serisë A shpërndan pamjet tronditëse nga stadiumi

Postimi i futbollistit ukrainas të Atalantës, Ruslan Malinovski ka marrë vëmendjen e fansave në mbar botën.

29-vjeçari shpërndau në rrjetet sociale një foto ku shfaqet stadiumi “Mykolaiv” në Ukrainë, fusha e të cilët është goditur nga një raketë ruse.

Impakti ka qenë aq i fuqishëm sa që ka shkaktuar një gropë të thellë rreth 5 metra në terrenin e lojës.

Ky postim ka shërbyer si një apel nga ana e futbollistit për t’i bëjë thirrje botës të ndërgjegjësohet për situatën në Ukrainë dhe të ndihmojë në zgjidhjen e saj.