TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Një nga telenovelat më të diskutuara të merkatos së verës vazhdon të dhurojë të papritura të mëdha sa i përket negociatave të dy klubeve të përfshira. Totenhem dhe Bajern Mynih duket se nuk po gjejnë gjuhën e përbashkët sa i përket transferimit të Herri Kejn në Gjermani dhe një takim mes palëve ka parë të anulohet në minutat e fundit.
Drejtuesit e klubit gjerman duhej të niseshin sot drejt Londrës për t’u ulur në tavolinën e bisedimeve me Daniel Levi, administratorin e klubit anglez për të negociuar detajet e kalimit të sulmuesit të Anglisë. Jan-Kristian Dresen dhe Marko Nepe, dy zyrtarë të lartë të klubit bavarez po përgatiteshin të niseshin me avion privat, kur janë lajmëruar se takimi i planifikuar për sot nuk do të zhvillohej dhe do të shtyhej për fillimin e javës së ardhshme, në një datë ende të pacaktuar.
Nuk dihet ende se për cilën arsye Levi vendosi të anulonte takimin e sotëm, por palët po negociojnë prej kohësh në distancë për diferencën mes 100 milionë eurove që është i gatshëm të paguajë Bajerni me 100 milionë paund që kërkon Totenhem.
Bavarezët janë të frikësuar se mos tërheqja e drejtuesit anglez ka të bëjë me interesimin në rritje të PSG-së për sulmuesin, që e sheh i alternativën më të mirë për Kilian Mbape, nëse arrin të sistemojë gjatë kësaj vere francezin.
