TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Hasan Salihamixhiç ka kthyer “pllakën” së fundmi në lidhje me vlerësimin ndaj kampionatit vendës. Boshnjaku, në fillim të sezonit aktual, e cilësoi Bundesligën jo si ligë konkurruese, madje duke e krahasuar stërvitjen e Bajernit më lart sesa ndeshjet zyrtare në ligën vendëse.
Megjithatë, hapat fals në kompeticionin në fjalë dhe rrezikimi i çështjes “titull” kanë bërë që Brazo të bëjë hapa mbrapa dhe ta vendosë brenda kornizave të trofeve të rëndësishëm: “Bundesliga është shumë e rëndësishme për ne. Fokusi është dhe do të jetë deri në javën e fundit në arritjen e objektivit titull”, shprehej 46-vjeçari.
Drejtori sportiv gjeti momentin e përshtatshëm për të thënë edhe dy fjalë rreth takimit të kthimit në Champions: “Në Mançester ishte lojë tepër intensive. Humbja nuk ishte e drejtë, sikurse rezultati. Aktivizimi përpara tifozëve do ta rrisë ndjeshëm motivimin dhe ambicien e lojtarëve tanë, pse jo të kualifikohemi”, e mbylli Salihamixhiç.
