TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
TPZ.al është një media online e pavarur. Përpjekja jonë është të sjellim lajme, analiza dhe komente, në shërbim të interesit publik.
Humbja ndaj Monzës ishte parë si një pikë kyçë në rrugëtimin e zikaltërve në kualifikimin për Champions, mbi të gjitha duke parë që pak orë më parë Milani kishte barazuar në Bolonjë dhe parakalimi i kuqezinjve ishte më pranë se kurrë.
Ndalesa me humbje ama e mbushi kupën për drejtuesit dhe presidentin Zhang, që në atë mbledhje të orëve të vona në “San Siro’ me përfundimin e ndeshjes, nuk diskutuan vetëm të ardhmen e trajnerit Inzagi të lidhur me Benfikën, por edhe atë të kubit.
E gjitha kalon nga renditja përfundimtare në kampionat, që nëse nuk do të jetë në katër vendet e para do të përkthehet me të paktën 60 milionë euro mungesë në arka sezonin e ardhshëm.
Për kualifikimin dhe “market pool” në Champions, në arkat e klubeve europiane shkojnë të paktën 35 milionë euro, ndërkohë që rezultatet në grup mund të sjellin nga 0 (6 humbje) në 17 milionë euro (6 fitore).
Jo vetëm kaq, por të gjitha këtyre u shtohen edhe të ardhurat nga biletat, me “San Siro”-n që siguron të paktën 10 milionë euro në tri ndeshjet që do të luhen në shtëpi në grupe.
Një shumë që nëse i shtohet edhe një rrugëtim potencial në fazat e tjera, do të ishte një humbje edhe më e madhe nëse Interi nuk ia del të jetë në Champions League sezonin e ardhshëm.
