Skënderbeu i pathyeshëm, likuidon edhe Kukësin. Milinkoviç drejt shkarkimit

Me nga një gol të realizuar në çdo pjesë loje – Taku (36’) dhe Xhejms (69’) – Skënderbeu mposhti edhe me rezultatin 2-1 Kukësin edhe pse luajti me dhjetë lojtarë (karton i kuq i Vangjelit në minutën e 72-të). Barazimi i përkohshëm me anë të Gurit (43’) nuk u mjaftoi kampionëve në fuqi, që tani e shohin veten më nëntë pikë larg kryesuesit Skënderbeu. Pas kësaj humbje – e 3-ta në 13 javë - serbi Milinkoviç është në diskutim në stolin e Kukësit.

KRONIKA E GOLAVE

1-0: 36′ GOOL Taku. Skënderbeu në avantazh. Aksion i shpejtë i skuadrës vendase që finalizohet me goditjen e ish-futbollistit të Tiranës, i cili nuk i lë kohë për reagim Koliçit. 1-1: 43′ GOOL Guri. Barazohen shifrat. Pas zhvillimit të një goditje dënimi, sulmuesi i shpëton mbulimit të mbrojtjes dhe i vetëm gjuan me kokë duke dërguar topin në rrjetë. 2-1: 69′ GOOL Xhejms. Skënderbeu përsëri në avantazh. Një top i larguar gabim nga prapavija e Kukësit përfundon te Taku i cili sheh Xhejms dhe me në prekje të shpejtë e nxjerr të vetëm para Koliçit. Sulmuesi nuk mund të gabojë dhe dërgon topin në rrjetë me një goditje të saktë. TPZ.AL